AARTI & BHAJANS

 

HOME

SHRI HINGLAJ MATA

NINE SHRINES

DURGA CHALISA

APPEAL FOR DONATION

INSTANT DARSHAN

CONTACT US

FEED BACK FORM

EPIC STORY

YATRA2000

 

Maata Ki Aarti

He maat meri, He maat meri, kaisi yeh der lagai he durge ||
he maat...

Bhavsaagar mein gira pada hoon, kaam aadi grah mein ghira pada hoon, moh aadi jaal mein jakda pada hoon ||
he maat...

Na mujhmein bal hai na mujhmein vidya, Na mujhmein bhakti, Na mujhmein Shakti, Sharan tumhari gira pada hoon ||
he maat...

Na koi mera kutumb saathi, na hi mera sharir saathi, Aap hi ubaaro pakad ke baahin||
he maat...

Charan kamal ko nauka banakar, main paar hoonga khooshi manakar, Yamdooton ko maar bhagakar ||
he maat...

Sada hi tere gunon ko gaaoon, sada hi tere swaroop ko dhyaaoon, Nit prati tere gunon ko gaaoon ||
he maat...

Na main kisika, na koi mera, chhaya hai chaaron taraf andhera, Pakad ke jyoti dikha do rasta ||
he maat...

Sharan pade hain ham tumhari, karo yah naiya paar hamari,
Kaisi yeh deri lagai hai durge ||
he maat...



Shri Durga Ji Ki Aarti

Jai Ambe Gauri, maiya jai mangalmoorti, maiya jai anand karni, Tumko nishi din dhyawat, hari brahma shivri ||
Jai ambe gauri ||

Maang sindoor virajat, tiko mrig mad ko,
Ujjwal se dau naina, chandra badan niko ||
Jai... ||

Kanak saman kalewar, raktaambar raaje,
Rakt pushp galmalaa, kanthan par saaje ||
Jai... ||

Kehari vaahan raajat, khadag khapra dhaari,
Sur nar muni jan sewat, tinke dukhahaari ||
Jai... ||

Kaanan kundal shobhit, nasagre moti,
Kotik chandra diwakar, raajat sama jyoti ||
Jai... ||

Shumbh nishumbh vidaare, mahishasur ghaati,
Dhumra vilochan naina, nishi din madamaati ||
Jai... ||

Chounsatha yogini gaawat, nritya karat bharion,
Baajat taal mridanga, aur baagat damru ||
Jai... ||

Kanchan thaal viraajat, agar kapur baati,
Shri maalketu mein raajat, koti ratan jyoti ||
Jai... ||

Yaa ambejiki aarati, jo koi nar gaave,
Kahat shivananda swami, sukh sampati paawe ||
Jai... ||



Bhajan

Saanchi jyotaan waali mata, teri jai-jai kaar -2.

Toone mujhe bulaayaa Sheraawaaliye, main aaya main aaya Sheraawaliye
O Jyotaanwaaliye, Pahadaanwaaliye, O Mehraanwaaliye || Toone ||

Saara jag hai, ek banjara, sabki manzil tera dwaara,
Oonche parvat lamba rasta -2, par main na rah paya Sheraawaaliye |
Main aaya main aaya Sheraawaliye ||

Soone man mein jal gai baati, tere path mein mil gaye saathi,
Toone sabko darshan dekar -2, apne gale lagaya Sheraawaaliye |
Main aaya main aaya Sheraawaliye ||

Kaun hai raja, kaun bhikari, ek barabar tere saare pujari,
Munh kholun kya tujh se maangun -2, bin maange sab paaya Sheraawaaliye |
Main aaya main aaya Sheraawaliye ||


Bhajan

Prem se bolo jai mata ki, saare bolo jai mata ki
Ho chalo yatra karne bhagton chalo chalen,
parvat parvat chadte jao, jai mata ki kehte jaao,
maa ke darshan karne bhakton chalo chalen... chalo yatra karne...

Ye Vaishno Maa ke dwara hai, yahan behti jal ki dhara hai - 2,
Ye teen pindiyon ka mandir hai, jo teen lok se nyara hai -2,
Yahan mile kinara doobe ko-2,
Bhavsagar se tarne bhakton chalo chalen... chalo yatra karne...

Jagdani mata Chamunda ke charnon ka mil ke dhyan dharo,
kalyan ho jaaye paapon se kalyani ke gungaan karo-2,
Maharani Kaangre wali ki...
Sab mil ke haajri bharne bhakton chalo chalen... chalo yatra karne...

Maa Ambe mata jwala ki sadiyon se pooja hoti hai -2,
Mansa Devi bhakton ki har mansa poori karti hai,
Jo bina tel ki jalti hai, ye maa shakti ki jyoti hai -2,
Maa Chintapoorni ke dar pe,
Sab man ki chinta harne bhakton chalo chalen... chalo yatra karne...

Maa Mansa Devi bhakton ki har mansa poori karti hai,
Maharani Kalka rani ye sankat aur vipda harti hai,
Bhakton ke phal aur phoolon se...
Ye jeevan jholi bharne bhakton chalo chalen... chalo yatra karne...



Stuti

Sun meri devi parvat vasini, tera paar na paaya ||
Paan supari dhwaja nariyal, le teri bhent chadhaya ||
Suwa choli tere ang viraje, kesar tilak lagaya ||
Nange paanv tere akbar aakar, sone ka chhatra chadhaya ||
Oonche parvat bana devalay, neeche shahar basaya ||
Satyug, treta, dwapar madhye kaliyug raj sawaya ||
Dhoop, deep, naivedya, aarti mohan bhog lagaya ||
Dhyanu bhakt maiya tera gun gaave manvaanchhit phal paaya ||

  

BHOR BHAI DIN CHADH GAYA MERI AMBE......

TOP

Site Developed & Maintained By :-

Capri Infosoft (INDIA) Pvt.Ltd..